關於香港麻雀計分

呢個網站係咩

「香港麻雀計分」係一個免費嘅手機網頁工具，專為打港式計番麻雀嘅朋友而設。3番4、二五雞、五一、一二蚊，全銃定半銃、半辣上定辣辣上，開枱揀好玩法，之後每鋪只要撳食糊嗰位、揀番數同出銃者，系統就自動計好每人輸贏。唔使裝 App、唔使登記；一部手機記分，其他人用秘密連結喺自己手機同步睇分，打完即刻出找數表。

為咩要整

港式麻雀嘅計番表每個圈子都唔同：有人 3 番起糊、8 番滿糊，有人 10 番、13 番先滿；自摸係咪 1.5 倍、半銃點攤、流局過唔過莊，一開枱就要傾。打到夜深，逐鋪心算「5 番半辣幾錢、自摸每家俾幾多」好易出錯，打完對數仲要對成半個鐘。

所以我整咗呢個工具：

• 跟到街坊規矩：預設常見玩法，計分表每一格都可以改，改好仲可以存做「我嘅玩法」；
• 快：撳座位 → 揀番數 → 揀出銃者或自摸 → 確定；
• 唔使記莊：自動跟莊家、圈風、連莊，流局過莊與否由你揀；
• 全枱同步：大家喺自己手機睇同一個分數，唔怕計錯。

適合邊啲人

• 屋企、朋友、同事聚會打港式麻雀嘅牌友；
• 唔想心算番數、想打完即刻知道點找數嘅人；
• 四人枱，亦支援三人枱。

本網站只係計分工具，唔涉及任何真錢交收，亦唔鼓勵賭博；分數點樣處理由各位自己決定。

主要功能

• 9 款預設玩法，亦可以自訂人數、全銃／半銃、半辣上／辣辣上、起糊（1 至 5 番）、滿糊（8／10／13 番）、自摸倍數同整張計分表；
• 「我嘅玩法」：最多存 12 套，只存喺你部手機；
• 番數小幫手：撳平胡、門前清、混一色、清一色等番種自動加埋；
• 自摸、出銃、一炮多響、出銃者包自摸、詐糊、流局；
• 莊家、圈風、連莊紀錄，可選「連莊加一番」；
• 秘密連結同步、6 位數換機碼換機記分；
• 廣東話語音報分（例如「南家 8番自摸」）、食糊動畫同震動；
• 還原、換位、改名、統計、紀錄、收皮找數、戰績圖、唯讀賽果頁。

詳細用法同番數計法請睇玩法／使用教學。

姊妹網站：跑馬仔麻雀計分

如果你打嘅係跑馬仔／碰槓牌（槓即找數、自摸獎馬、鬥地主），請用姊妹網站 跑馬仔麻雀計分 www.paumajai.com。兩個網站同一個作者、同一套同步方式，計分規則各自獨立。

私隱

我哋唔設帳戶，唔收集你嘅真實身份。「我嘅玩法」只存喺你部機；同步牌局紀錄會喺最後更新後 30 日自動刪除。詳情請睇私隱政策。

聯絡

有建議、發現計錯或者想加新番種，歡迎電郵：marjoruse@gmail.com

由香港個人開發者 CK 製作。